Psa 149 | NdeIBE | STEP | Dumisani uJehova. Hlabelelani uJehova ingoma entsha, indumiso yakhe ebandleni labangcwele.

Psalms 149

1 Dumisani uJehova. Hlabelelani uJehova ingoma entsha, indumiso yakhe ebandleni labangcwele.

2 Akuthi u-Israyeli athokoze ngoMenzi wakhe; akuthi abantu baseZiyoni bajabule ngoJehova wabo.

3 Kabadumise ibizo lakhe ngokusina, batshaye amagedla lamachacho.

4 Ngokuba uJehova uyathokoza ngabantu bakhe; abathobekileyo ubapha umqhele wensindiso.

5 Akuthi abangcwele bathokoze ngale inhlonipho, bahlabele ngentokozo besemibhedeni yabo.

6 Sengathi indumiso kaNkulunkulu ingaba semilonyeni yabo lenkemba esika nxa zonke ibe sezandleni zabo,

7 ukuthi benze impindiselo phezu kwezizwe lesijeziso phezu kwabantu,

8 babophe amakhosi azo ngezintambo lezikhulu zabo ngezibopho zensimbi,

9 ukugcwalisa kubo isigwebo abasibhalelwayo. Lokhu kuyinkazimulo yabangcwele bakhe bonke. Dumisani uJehova.